«ТРЭ́ЦЯГА СВЕ́ТУ КРАІ́НЫ»,

умоўнае вызначэнне ў літаратуры і публіцыстыцы краін Азіі, Афрыкі і Лац. Амерыкі, якія развіваюцца. Тэрмін шырока ўжываўся з 1950-х г. у дачыненні да краін, якія нельга было аднесці да капіталістычных (т. зв. краін першага свету) ці сацыялістычных (т. зв. краін другога свету). Пасля распаду ў пач. 1990-х г. сацыяліст. сістэмы больш папулярным стала вызначэнне «краіны Поўдня» ў адрозненне ад тэрміна «краіны Поўначы».

т. 16, с. 18

Беларуская Энцыклапедыя (1996—2004, правапіс да 2008 г., часткова)